ESTAFET/ Xəbər verdiyimiz kimi, Türkiyənin Kocaeli şəhərində karate üzrə 52-ci Avropa çempionatı keçirilib.

Kişilərin fərdi kumite yarışlarda Tural Ələkbərli (60 kq), Tural Ağalarzadə (67 kq), Samir Məmmədov (75 kq), Pənah Abdullayev (84 kq) və Şahin Atamov (+84 kq) iştirak ediblər. Komanda kumite turnirində onlara Əli Cəfərovla Orxan Heydərli qoşulublar.  

Komanda yarışlarında ilk görüşdən Ukrayna yığmasına 1:2 hesabı ilə məğlub olan karateçilərimiz mübarizəni dayandırıblar.

Fərdi mübarizədə yalnız Şahin Atamov bürünc medal qazanaraq fəxri kürsüyə qalxmağı bacarıb. Bütün təmsilçilərimizin keçirdikləri görüşləri və nəticələri təqdim edirik.

60 kq
1/16 final: Tural Ələkbərli - İvan Krizanaç (BIH) 5:1

1/8 final: Tural Ələkbərli - MarkoAntiç (SRB) 0:1

Təsəlliverici: Tural Ələkbərli - Oleq Filipoviç (UKR) 0:1 

67 kq
1/16 final: Tural Ağalarzadə - Ervin Qaliç (BIH) 2:0
1/8 final: Tural Ağalarzadə - Mario Hodziç (MNE) 1:2

75 kq
1/8 final: Samir Məmmədov - Henri Vokua (GEO) 1:3 

84 kq
1/16 final: Pənah Abdullayev - Petr Kubiçka (CZE) 0*:0
1/8 final: Pənah Abdullayev - Tamazi Qoçelaşvili (GEO) 0*:0
1/4 final: Pənah Abdullayev - Georgios Tzanos (GRE) 0:0*

+84 kq
1/16 final: Şahin Atamov - Vasiliy Antoxiy (RUS) 3:0
1/8 final: Şahin Atamov - Qoqita Arkaniya (GEO) 2:1

1/4 final: Şahin Atamov - Salim Bendiab (FRA) 4:0

Yarımfinal: Şahin Atamov - Simone Marino (ITA) 2:3

3-cü yer üçün: Şahin Atamov - Herolind Nişevçi (KOS) 2:1

Kumite yarışlarından əlavə kata yarışlarında da karateçilərimiz mübarizə aparıblar. Rövşən Əliyev, İsmayıl Quliyev və Tural Balcanlıdan təşkil olan komandamız ilk görüşdən İspaniyaya məğlub olaraq (0:5) mübarizəni dayandırıblar.

Fərdi kata yarışlarında isə Roman Heydərov ötənilki uğurunu təkrarlayıb. Ardıcıl olaraq, Yovan Simiçi (Serbiya) 5:0, Yordan Szefraneki (Şotlandiya) 5:0 və Enzo Monterallonu (Fransa) 3:2 hesabı ilə məğlub edən Roman adını yarımfinala yazdırıb. Lakin burada ispan Damyan Kapdevilyaya minimal hesabla (2:3) məğlub olub və bürünc üçün macar Botand Naqi ilə qarşılaşıb. 5:0 hesablı qələbə Romana Avropa 3-cülüyünü gətirib.