Dadaşovlu “Şalke”dən inamlı qələbə
ESTAFET/ Futbol üzrə Almaniyanın Qərb Regional Liqasında 7-ci turun oyunları keçirilib. Azərbaycan yığmasının hücumçusu Rüfət Dadaşovun şərəfini qoruduğu “Şalke”nin ikinci komandası da növbəti matçına çıxıb.
Sözügedən kollektiv səfərdə “Oberhauzen”lə qarşılaşıb. Futbolçumuzun komandası bu oyundan qələbə ilə ayrılıb - 3:1.
Rüfət də bu oyunun iştirakçısı olub. O, start heyətdə meydana çıxıb və sonadək oynayıb, 38-ci dəqiqədə isə sarı vərəqə ilə cəzalanıb.
“Şalke”nin ikinci komandası 7 turdan sonra 10 xalla 18 kollektiv arasında 8-ci pillədə qərarlaşıb.
