“Qarabağ” ilk transferini açıqladı
ESTAFET/ “Qarabağ” yay fasiləsində ilk transferini reallaşdırıb. Klubun fesybuk səhifəsində verilən məlumata görə, ağdamlılar Kadi Yuri Borqes Malinovskini heyətinə cəlb edib.
Ağdam təmsilçisi bu transferi yutub kanalındakı videosujetlə ictimaiyyətə çatdırıb. Yeni komandasında 20 nömrəli formanı geyinəcək braziliyalı yarımmüdafiəçi ilə 2+1 illik müqavilə imzalanıb.
Qeyd edək ki, ölkəsi Braziliyada “Londrina” və “Koritiba”da çıxış edən Kadi Borqes Portuqaliyada “Eştoril” və “Vilafranquense” klublarının formasını geyinib. 25 yaşlı orta sahə oyunçusunun son komandası “Vilafranquense” olub.
