ESTAFET/ Sabah Macarıstanın paytaxtı Budapeştdə güləş üzrə Avropa çempionatına start veriləcək. Qitə birinciliyinin ilk 3 günündə sərbəst güləş üzrə mübarizə baş tutacaq. Bu gün püşkatma mərasimi keçirilib və bu növdə ölkəmizi təmsil edəcək idmançıların rəqibləri müəyyənləşib. 

57 kq
Əliabbas Rzazadə təsnifat mərhələsində ispaniyalı Levan Metreveliylə qarşılaşacaq.

61 kq
İslam Bazarqanov ilk görüşdə almaniyalı Viktor Lizenlə üz-üzə gələcək.

65 kq
Yarışın reytinq favoriti olan Hacı Əliyev mübarizəyə 1/4 finaldan qoşulacaq. Millimizin liderinin bu mərhələdə rəqibi Munir Aktaş (Türkiyə) - Kuentin Stiker (Fransa) görüşünün qalibi olacaq.

70 kq
Zirəddin Bayramov 1/8 finalda macar Daniel Antalla münasibətləri aydınlaşdıracaq.

74 kq
Turan Bayramov 1/8 finalda bolqarıstanlı Ali Umarpaşayevlə gücünü sınayacaq.

79 kq
Əşrəf Aşırov ilk mərhələdə bolqar Miroslav Kirovu sınağa çəkəcək.

86 kq
Abubakr Abakarov 1/8 finalda moldovalı Denis Balaurla qarşılaşacaq.

92 kq
Osman Nurmaqomedov yarışa 1/4 finaldan start verəcək. Onun ilk rəqibi ya Simyone Yannattoni (İtaliya), ya da Radoslav Marçinkieviç (Polşa) olacaq.

97 kq
Maqomedxan Maqomedov təsnifat mərhələsində litvalı Lukas Krasauskasa qalib gəlməyə çalışacaq.

125 kq
Aydın Əhmədov debütdə alban Paris Karepi ilə qarşılaşacaq. 

Qeyd edək ki, sabah 57, 65, 70, 79 və 97, ertəsi gün isə 61, 74, 86, 92 və 125 kq-da çıxış edən güləşçilər mübarizəyə başlayacaq. Görüşlər hər gün Bakı vaxtı ilə saat 13:30-da start götürəcək.