ESTAFET/ Haas komandasının danimarkalı pilotu Kevin Maqnussen bu komandada yarışdığı üçün xoşbəxtdir. Lakin komanda bu mövsüm üçün sürətli bolid düzəltsə də, yarış zamanı yaşanan bəxtsizliklərə görə pilot yüksək nəticələr ala bilmir. Xatıradaq ki, Barselonada Maqnussen 9-cu yerdə gedərkən təkəri deşilmiş və xalsız qalmışdı.

Kevin Maqnussen: “Komanda əlindən gələni edir və bunu görmək çox gözəldir. İlk yeniliklər yaxşı işlədi və doğru yolda olduğumuzu gördük. Amma getdikcə nəticələri yaxşılaşdırmalıyıq. Komandaya gəlməmişdən əvvəl burada özümü yaxşı hiss edəcəyimi bilirdim. Gözləntilərim boşa çıxmadı və hər şey istədiyim kimi gedir. Hamı uğur qazanmaq üçün əlindən gələni edir. Bu da bizə hədəflərimizə çatmağa kömək edəcək”. 

Mənbə: F-1.az