"İKİNCİLİYƏ SEVİNMİRƏM" - RAYKKONEN
ESTAFET/ Ferrari komandasının sürücüsü Kimi Raykkonen bildirib ki, pouldan başladığı yarışda ikinci olmaq yaxşı hal deyil. Finlandiyalı sürücü pit-stopa qədər lider getsə də, pitə komanda yoldaşı Fetteldən tez girərək, ikinci yerə geriləyib.
Kimi Raykkonen: “Nə deyim, bilmirəm. İkinci yer mənim üçün yaxşı nəticə deyil və sevinmirəm. Bəzən işlər belə gedir. Sonrakı yarışda daha güclü olmağı sınayacam. Belə yarışlarda daha yaxşı nəticə gözləyirsiniz, amma bu həmişə baş vermir. Mübarizə aparmağa davam edəcəm. Bu gün əla nəticə qazandıq və vacib xallar topladıq”.
Mənbə: F-1.az
