Yığma komandalar üçün antidopinqlə bağlı seminar keçirilib

ESTAFET/ İyunun 16-da Azərbaycan Milli Antidopinq Agentliyinin (AMADA) əməkdaşları güləşçilər üçün seminar keçirib.

Azərbaycan Güləş Federasiyası və AMADA-nın ortaq təşkilatçılığıyla təşkil olunan tədbirdə sərbəst və yunan-Roma güləşi üzrə milli komandaların üzvləri iştirak edib. Seminarın aparıcısı olan AMADA-nın Təhsil şöbəsinin müdiri Lalə Hacıyeva antidopinq qaydaları, qadağan olunmuş maddələrin siyahısı, idmançıların bu sahədə hüquq və öhdəlikləri, məkan məlumatı, narkotik və başqa zərərli maddələrin fəsadları və sair mövzuda geniş məlumat verib. AMADA-nın əməkdaşı idmançı və məşqçilərin irad və təkliflərini dinləyib, suallarını cavablandırıb.

Qeyd edək ki, seminar zamanı güləşçilər antidopinqin müxtəlif qollarını əhatə edən testdə də iştirak edib.

Müəllif: Natiq NƏSİROV