ESTAFET/ Bu gün futbol üzrə UEFA Çempionlar Liqasının qrup mərhələsində 3-cü tura start verilib. İlk oyun günündə A, B, C və D qruplarında ümumilikdə 8 oyun keçirilib.

Gecənin ən maraqla gözlənilən matçı İtaliyada baş tutub. "İnter" doğma meydanda "Barselona"nı qəbul edib. Bu oyunda meydan sahibləri tək qolla 3 vacib xal qazanıblar. C qrupunun lideri "Bayern" isə Almaniyada Plzen "Viktoriya"sını 5 cavabsız qolla məğlub edib.

Daha bir vacib görüş A qrupunda olub. İlk 2 turdan sonra maksimum nəticə ilə turnir cədvəlinə başçılıq edən "Napoli" Niderlandda "Ayaks"ın qonağı olub. Neapol təmsilçisi səfərdə darmadağına sevinib. Bu qrupun digər matçında isə "Liverpul" "Reyncers"lə üz-üzə gəlib və inamlı qələbə qazanıb.

UEFA Çempionlar Liqası
Qrup mərhələsi, 3-cü tur
4 oktyabr

A qrupu

Liverpul (İngiltərə) - Reyncers (Şotlandiya) 2:0
Qollar: Aleksandr-Arnold 7, Salah 53-pen.

Ayaks (Niderland) - Napoli (İtaliya) 1:6
Qollar: M.Kudus 9 : Raspadori 18, 47, Di Lorenso 33, Zelinski 45, Kvaratsxeliya 63

Xal: Napoli - 9. Liverpul - 6. Ayaks - 3. Reyncers - 0.

B qrupu

Portu (Portuqaliya) - Bayer (Almaniya)  2:0
Qollar: Zaydu 69, Qaleno 87

Brügge (Belçika) - Atletiko (Madrid, İspaniya)  2:0
Qollar: Sovah 36, Yutqla 62

Xal: Brügge - 9. Portu – 3. Bayer - 3. Atletiko - 3.

C qrupu

Bayern (Almaniya) - Viktoriya (Plzen, Çexiya)  5:0
Qollar: Sane 7, 50, Qnabri 13, Mane 21, Şupo-Motinq 59

İnter (İtaliya) - Barselona (İspaniya)  1:0
Qol: H.Çalhanoğlu 45+2

Xal: Bayern - 9. İnter - 6. Barselona - 3. Viktoriya - 0

D qrupu

Olimpik (Marsel, Fransa) - Sportinq (Portuqaliya)  4:1
Qollar: A.Sançes 13, Harit 16, Balerdi 28, Mbemba 84 : Trinkao 1

Ayntraxt (Almaniya) - Tottenhem (İngiltərə) 0:0

Xal: Sportinq - 6. Tottenhem - 4. Ayntraxt - 4. Olimpik - 3.