İLKİN ŞAHBAZOVDAN AÇIQ DƏRSLƏR
ESTAFET/ Müxtəlif tədbirlər və master klassların təşkil edildiyi Heydər Əliyev Mərkəzinin parkında taekvondo idman növü üzrə dərslər keçiriləcək.
25 iyun 2017-ci il tarıxində saat 10:00-da başlanacaq dərslər 2 dəfə Avropa çempionu, Dünya kubokunun bürünc mükafatçısı, 12 dəfə respublika çempionu və müxtəlif beynəlxalq turnirlərin mükafatçısı əməkdar idman ustası İlkin Şahbazov tərəfindən keçiriləcək.
Tədbirə giriş sərbəstdir, yaş həddi isə 5-16 yaş arasıdır. İştirak etmək arzusunda olanlar taekvondo formasında (doboq) qoşula bilərlər.
