Cənub zonasında məşqçilər üçün seminar keçirilir

ESTAFET/ Azərbaycan Boks Federasiyası (ABF) tərəfindən Masallıda cənub zonasının məşqçiləri üçün seminara start verilib. Fevralın 10-dək keçiriləcək təlimlərə ABF-in İdarə Heyətinin üzvü Rövşən Hüseynov və Məşqçilər Komitəsinin sədr müavini Əsgər Eyvazov rəhbərlik edir.

Seminar Masallı, Lənkəran, Biləsuvar, Astara və Cəlilabaddan olan mütəxəssislərin təkmilləşdirilməsi məqsədi daşıyır. Bu gün çalışdırıcıları əyani vəsaitlərdən istifadə etməklə nəzəriyyə ilə tanış edən təlimatçılar, sabahdan zallarda məşq proseslərini göstərəcəklər.

Müəllif: Natiq NƏSİROV