AZƏRBAYCAN QRAN PRİSİNİ 71 541 AZARKEŞ İZLƏYİB
ESTAFET/ Azərbaycan Qran Prisi üçün yarış məkanına kişikdən böyüyə 71 min 541 azarkeş gəlib. Formula 1 ailəsinə yeni qoşulan Bakı Şəhər Halqasında ötən il baş tutmuş ilk yarışla müqayisədə bu dəfə 30% çox tamaşaçı qatılıb.
Bundan əlavə, yarışı yerində canlı izləmək üçün Bakıya xaricdən ötən ildəkindən 2 dəfə artıq avtoidman azarkeşi gəlib. Ümumilikdə, 65 ölkədən gələn azarkeşlər Bakıda mövsümün ən gərgin və yaddaqalan yarışına şahid olublar. Xaricdən gələn formula1 həvəskarlarının sayı bütün tamaşaçıların üçdə birini təşkil edib.
Mənbə: allsport.az
