BAKIDA AVROPA ÇEMPİONATI BAŞLAYIB
ESTAFET/ Bu gün paytaxtımızda növbəti nüfuzlu yarış start götürür. Belə ki, 43 ölkədən gəlmiş 1000-ə yaxın idmançının iştirakı ilə Bakı Atıcılıq Mərkəzində atıcılıq üzrə Avropa çempionatı başlayıb. Nişangah ustaları ümumilikdə 79 dəst medal uğrundə yarışacaqlar.
Mübarizə 25, 30, 300 metr məsafədən hədəfi nişan alma və stend atıcılığının bütün növləru üzrə gedəcək. Azərbaycan bütün növlərdə təmsil olunur. Yarışın ilk günü idmançılar 50 metr məsafəyə tapançadan atəş açma və stenddə yarışacaqlar.
