BASKETBOLÇULARIMIZ ARDICIL İKİNCİ QƏLƏBƏSİNİ QAZANDILAR
ESTAFET/ Xəbər verdiyimiz kimi, Azərbaycanın 16 yaşlı oğlanlardan ibarət basketbol yığması Avropa Çempionatının C Dvizionunda mübarizəyə qoşulub.
Bu gün basketbolçularımız qrupda ikinci görüşünü keçirib. Elşən Yusubovun yetirmələri bu dəfə Albaniya yığması ilə qarşılaşıb və görüşü 78:66 (10:16, 24:18, 20:8, 24:24) hesablı qələbə ilə başa vurublar.
Növbəti rəqib San Marino yığması olacaq. Görüş sabah Bakı vaxtı ilə saat 16:15-də başlayacaq.
Xatırladaq ki, basketbolçularımız qrupda ilk görüşdə Monako yığmasını 74:63 (20:15, 15:9, 20:21, 19:18) hesabı ilə məğlub etmişdi.
