"Eyforiyaya qapılmaqdan söhbət gedə bilməz": Azər Bağırov
ESTAFET/ "Zirə" üzərində qələbədən sonra “Araz-Naxçıvan”ın baş məşqçisi Azər Bağırov mətbuat konfransı keçirib.
O, komandasının 1:0 hesablı qələbəsini belə şərh edib:
“Çətin oyun oldu. "Zirə" əbəs yerə bu Premyer Liqada lider deyil. Məğlub da ola bilərdik. Sona qədər mübarizə apardıq, səbirlə müdafiə olunduq və lazım olan qolu vurduq.
Futbolçularla həm fərdi, həm də kollektiv şəkildə mütəmadi söhbətlər edirik, eyforiyaya qapılmaqdan söhbət gedə bilməz. Arxada qalan 8 oyun ərzində "Sumqayıt"la qarşılaşmanın ilk hissəsində rəqibə uduzduq. Qalan matçlarda uşaqlar yaxşı çıxış etdilər, mübarizə apardılar".
