Azərbaycana xoş gəlmisiniz. Zəhmət olmasa özünüzü təqdim edərdiniz.

Təşəkkür edirəm. Biz Küveytdənik. Buradakı təlim-məşq toplanışına bir gimnastla gəlmişik. Biz Küveyt Gimnastika Federasiyasını təmsil edirik.

- Sizin məşqinizə nə daxildir?

- Biz buraya bacarıqlarımızı təkmilləşdirmək və gələcək yarışlara hazırlaşmağa gəlmişik.

- Hansı yarışlar üçün hazırlaşırsınız?

- Bu, beynəlxalq səviyyəli yarışdır. Komandamız yeniyetmə gimnastlardan ibarətdir. Bu səbəblə də, biz yüksək nəticə əldə etməyə hazırlaşmalıyıq.

- Ölkənizdə gimnastika necə inkişaf edir?

- 3 ildir ki, Küveytdəyəm. Orada Küveyt yığma komandasını qurmağa gəlmişəm. Ərəb ölkələrində bədii gimnastika yeni olduğu üçün mən bir çox çətinliklərlə qarşılaşdım. Ancaq 3 il ərzində onlar üçün bir çox iş gördüm.

- Bakıya ilk səfərinizdir?

- Xeyr, mənim ilk səfərim 2005-ci ildə olmuşdu. Bu, Dünya çempionatı idi. Mən Ukrayna millisinin heyətində çıxış edirdim və ikinci yeri qazandıq.

- O vaxtdan bəri Bakıda 19 il ərzində nə dəyişib?

- Bakı dünyanın ən sevimli şəhərlərindən biridir, çünki burada özümü öz ölkəmdə kimi hiss edirəm. Buranın mətbəxini və insanlarını xoşlayıram. 2005-ci ildə gəldiyim vaxt və 2016-2017-ci illər ərəfəsində Dubay komandası ilə bura etdiyim ikinci səfər arasında olan vaxt ərzində edilən dəyişikliklər mənim üçün böyük sürpriz oldu. O vaxt mən Dubayda işləyirdim. O zamandan bəri çoxlu dəyişikliklər olub. Bu məni çox təəccübləndirdi. 

- Azərbaycanda gimnastikanın inkişafı barədə nə düşünürsünüz?

- Mən sizin federasiyanızla çox fəxr edirəm. Bu, mənim üçün də sürprizdir, çünki o dövrün necə başladığını xatırlayıram və indi necə davam etdiyini görürəm. Bu sadəcə heyrətamizdir.