ESTAFET/ Bildiyiniz kimi, Formula 1 üzrə Dünya çempionatının 12-ci mərhələsi olan Belçika Qran prisinin qalibi ingilis pilot Lyuis Hemilton oldu. Bu onun mövsümdə qazandığı 5-ci qələbəsidir. Qələbəsindən sonra Hemilton çox dəyərli fikirlər bölüşüb:

"Bu həftəsonunu biz komanda ilə əminliklə keçirdik və mən hər kəsə əla işə görə təşəkkür edirəm. Bizə azarkeşlərimizin dəstəyi də komək etdi. Tribunalarda çox sayda Britaniya bayraqları var idi. Narincı rəngli dənizin içində bunu görmək əladır. Fettellə mübarizə çox gərgin idi. Ancaq mən qalib gələcəyimi demişdim və bunu etdim. Spa trasında Formula 1 yürüşündə ilk dəfə 1996-cı ildə atamla olmuşam. Onda biz heç kim idik, amma nə vaxtsa bura başqa formada gəlməyi arzulayırdım. İndi mən tribunalarda valideynləri ilə birlikdə çox uşaq görürəm. Yəqin ki, onlar da bizim burda etdiklərimizi etməyi arzulayırlar. Ümid edirəm ki, onların arzuları həyata keçəcək. Özünüzə inanmağa davam edin və təslim olmayın".