Cüdoçularımız Beynəlxalq Belçika Açıq Cüdo Turnirində ikinci yeri tutdu
25-26 yanvar tarixlərində Belçikanın Vise şəhərində keçirilən Beynəlxalq Belçika Açıq Cüdo Turnirində cüdoçularımız möhtəşəm nəticələr göstərib. Azərbaycan komandası ümumilikdə 2 qızıl, 2 gümüş və 2 bürünc medal qazanaraq medal əyarına görə Almaniya, İtaliya və Belçikanı geridə qoyub və yalnız Fransadan sonra 2-ci yeri tutub.
İkinci yarış günü uğurları:
-66 kq çəki dərəcəsi: Elşən Əsədov qızıl medal qazanıb, Nazir Talıbov isə 5-ci yerdə qərarlaşıb.
-81 kq çəki dərəcəsi: Məhərrəm İmamverdiyev bürünc medal əldə edib.
