ESTAFET/ Mercedes 2018-ci il mövsümü üçün Valtteri Bottas ilə müqavilənin uzadılmasını təsdiqlədi.

"Mercedes Motorsport" şirkətinin rəhbəri Toto Volf: "Bu il Valtteri çətin vəzifələri həll etmək məcburiyyətində qaldı, son anda komandamıza qatıldı, harda ki, onun tərəfdaşı idman tarixinin ən yaxşı pilotlarından biri idi. Bütün bu amillərə baxmayaraq, o, gözəl nəticələr əldə etdi.

Rusiyada və Avropada qələbələr də daxil olmaqla müvəffəqiyyətlər problemlərdən çox idi. Bu müsbət balans və davamlı irəliləyişlər gələcək mövsüm üçün müqaviləni uzadılmasını bizim üçün olduqca adi etdi.

Komandada pilotlarımız arasında hörmətli əlaqəni yüksək qiymətləndiririk. Lyuis ilə Valtteri arasındakı qarşılıqlı anlaşma yüksək səviyyədə işləyir və bu bizim rəqiblər üzərində üstünlüyümüzdür".

Valtter Bottas: "2018-ci ildə Mercedes-AMG Petronas ilə əməkdaşlığı davam etdirmək mənim üçün böyük şərəfdir. Birlikdə hər gün daha da güclənir, ən yüksək səviyyədə çıxış edirik və bu tərəqqinin heç bir məhdudiyyətə malik olmadığına inanıram.

Mən yanvar ayında komandaya qoşulduğum vaxtdan hər gün həzz alıram. Hər bir işçinin, bütün azarkeşlərimizin səmimi dəstəyini hiss etdim. Pilot olaraq bu müddət ərzində çox şey öyrəndim. Bu il biz artıq unudulmayacaq bir çox yaddaqalan anlar yaşadıq.

Bu komandanın zehniyyətindən, yoldaşlıq ruhundan və onun idmana həsr olunmasından təsirlənirəm. Lyuis Hemiltonun ortağı olmaqdan xoşbəxtəm, biz bir-birimizə hörmətlə yanaşırıq və komandaya irəliləməyə kömək edirik.

Bu mövsüm mənimlə müqavilə bağlamaqla, "Mercedes" öz etimadını nümayiş etdirdi və 2018-ci il üçün yeni müqavilə mənim bu etimadı doğrultduğumu deyir. "Mercedes"də ilk qələbələr qazanmaqdan xoşbəxtəm, amma həmişə gələcək inkişaf potensialı var. Mən çox çalışmaqda davam edəcəyəm, pilotlaşdırmanı təkmilləşdirirəm və sübut edəcəm ki, komanda mənə boş yerə inanmır.

Brekli və Briksuortdakı bazamızda olan bütün rəhbərliyə, işçilərimizə, komandamızın bütün üzvlərinə, dəstək və inamları üçün bütün azarkeşlərimizə  təşəkkür edirəm. Bu mənim üçün çox şey deməkdir".