Aprelin 19-20-də Rusiya Federasiyasının Sankt-Peterburq şəhərində Dünya Etnosport Konfederasiyasının VII Beynəlxalq Forumu keçirilib. Tədbirdə Beynəlxalq Etnosport Konfederasiyasının prezidenti Nəcməddin Bilal Ərdoğan, bir sıra ölkələrin idman nazirləri və idman sahəsinə məsul nümayəndələri iştirak ediblər. Forumda Azərbaycanı Gənclər və İdman Nazirliyinin İdman şöbəsinin müdiri Elnur Məmmədov, Milli İdman Növləri Assosiasiyasının prezidenti Kazım Qurbanov və Azərbaycan Respublikası Atçılıq Federasiyasının nümayəndəsi Müzadil Həsənov təmsil ediblər.

Forum çərçivəsində həmçinin 6-cı ənənəvi idman mükafatlarının təqdimetmə mərasimi də baş tutub. Azərbaycan Atçılıq Federasiyası etnosportun inkişafına verdiyi töhfəyə görə mükafatlandırılıb.