Bolqarıstandan bürünc medalla
ESTAFET/ Azərbaycanı fiqurlu konkisürmənin buz üstündə rəqs növü üzrə təmsil edən Samanta Ritter və Daniel Brikalov cütlüyü Bolqarıstanda keçirilən beynəlxalq turnirdə bürünc medal qazanıblar.
Azərbaycan Qış İdman Növləri Federasiyasından verilən məlumata görə, idmançılar Sofiya şəhərində təşkil olunan "Sofia Trophy" yarışında uğurla çıxış ediblər.
Turnirin nəticələrinə əsasən, cütlük 11 iştirakçı arasında 171.75 xal toplayaraq 3-cü yerdə qərarlaşıblar.
Müəllif: Əli FƏRZƏLİYEV
