ESTAFET/ "Red Bull Racing" komandasının pilotu, Formula 1 üzrə Dünya çempionatının 2017-ci il Azərbaycan Qran Prisinin qalibi avstraliyalı Daniel Rikkardo Azərbaycana səfər edəcək.

29-30 noyabr tarixlərini əhatə edəcək ikigünlük səfərin məhsuldar olacağı gözlənilir. Belə ki, Rikkardonun səfər qrafikinə paytaxtda bir sıra görüşlər keçirmək, Azərbaycan mədəniyyəti ilə yaxından tanış olmaq və digər tədbirlə daxildir. 

Bunlardan əlavə, Rikkardo paytaxtda olarkən Bakı Şəhər Halqasında (BŞH) keçirdiyi yarış təəssüratlarını avtoidman həvəskarları ilə bölüşəcək və BŞH-nin sosial media kanallarında canlı olaraq azarkeşlərin suallarını cavablandıracaq. Ünlü pilot səfər təəssüratlarına dair yerli və xarici media nümayəndələri üçün keçiriləcək mətbuat konfransında da iştirak edəcək.