ESTAFET/ Bu gün İsveçrənin Nyon şəhərində 17 yaşadək yeniyetmə futbolçular arasında Avropa çempionatının 2018/19 mövsümünün seçmə mərhələsi üçün püşkatma mərasimi keçirilib.

52 komandanın 13 qrupa bölündüyü mərhələdə Azərbaycan yığmasının da bu mərhələdəki rəqibləri bəlli olub.

Milli komandamız 8-ci qrupda Albaniya, Çexiya və Norveç milliləri ilə növbəti mərhələ uğrunda mübarizə aparacaq. 

Seçmə mərhələ oyunları 2018-ci il noyabrın 20-nə qədər başa çatacaq. 13 qrupun hərəsindən iki ən yaxşı komanda, həmçinin üçüncü yer sahiblərindən daha yaxşı nəticəyə malik 4 yığma elit-raunda vəsiqə əldə edəcək. İngiltərə və Almaniya isə birbaşa həmin mərhələdən yarışa qatılacaq. Final mərhələsi isə İrlandiyada keçiriləcək.