ESTAFET/ İngiltərə və Rusiya millilərində çalışmış təcrübəli italiyalı mütəxəssis Fabio Kapello "Çelsi"nin baş məşqçisi Antonio Konte və "Mançester Yunayted"in baş məşqçisi Joze Mourinyo arasında baş verən söz münaqişəsi haqda "Sky Sport"a fikirlərini bildirib. 

"Mənə elə gəlir ki, Konte kimə baş qoşduğunu anlamayıb. Hər ikisi ağlını itirib. Fikirləşməzdim ki, belə dərinə gedə bilərlər. Belə vəziyyətlərdə Mourinyo özünü çox ağıllı aparır. Ola bilər ki, o diqqətləri öz komandasından uzaqlaşdırmaq istəyir. Biz hamımız onun dizləri üstə qazona çökdüyünü, meydan boyu qaçdığını xatırlayırıq. Mən onu yaxşı tanıyıram. Fikrimcə o, komandasının "Mançester Siti" ilə arasında olan fərqə görə əsəbləşir".