ESTAFET/ Dünən məşhur Formula 1 pilotu, 2007-ci ilin Dünya çempionu Kimi Raykkonen öz şəxsi İnstagram hesabında qarajından bir foto paylaşımı edib. 

Fotoda ön planda Kiminin şəxsi sifarişi ilə "Walz-Hardcore Cycles" alman şirkətinin yığdığı unikal "Iceman II" motosikli görsənir. 

Motosiklin arxasında isə, fin pilotun qırmızı rəngli "Ferrari F12tdf" markalı avtomobili görsənir. Bu model "Ferrari F12 Berlinetta"nın daha yüngül, daha güclü versiyası hesab edilir. Avtomobilin möhtəşən dinamik xüsusiyyətləri var - 100 km sürəti 3 saniyəyə, 200 km-i isə 8,5 saniyəyə yığan bu avtomobilin maksimal sürəti 240 km/s-dır. 

Pilot şəklin şərhində "Bazar günləri qarajı səliqəyə salıram" deyə qeyd yazıb. Qeyd edək ki, bu qaraj Kiminin İsveçrədəki evinin həyətində yerləşir.