Sumqayıt cüdoçuları Şirvan şəhərində qalib oldu
ESTAFET/ Şirvan şəhərində cüdo üzrə regionlar arası “Federasiya kuboku” uğrunda komanda yarışları keçirilib. Turnir U-15 yeniyetmə cüdoçular arasında təşkil olunub.
Yarışda respublikamızın müxtəlif bölgələrindən olan perespektivli cüdoçular mübarizə aparıblar. Daha yaxşı nəticə göstərən “Sumqayıt-1" komandası “Federasiya kuboku” turnirinin növbəti mərhələsinin qalibi olub. “Bakı-3” klubu 2-ci, “Şimal Qərb" komandası isə 3-cü yeri tutub. Regionlar arası “Federasiya kuboku” uğrunda komanda yarışlarının növbəti mərhələsi aprelin 28-də Xaçmaz rayonunda keçiriləcək.
Müəllif: Bəhruz MƏMMƏDOV
