“Keşlə” - “Baltsan” oyunu rusiyalı hakimlərə tapşırıldı
ESTAFET/ Futbol üzrə UEFA Avropa Liqasının birinci təsnifat mərhələsinin cavab oyunları çərçivəsində keçiriləcək “Keşlə” - “Baltsan” (Malta) matçının hakim təyinatları açıqlanıb. İyulun 19-da baş tutacaq qarşılaşmanı rusiyalı ədalət təmsilçiləri idarə edəcək.
“Dalğa Arena”da keçiriləcək görüşdə Mixail Vilkov fit çalacaq. Onun köməkçiləri Aleksey Vorontsovla Vladimir Mineviç olacaq. Dördüncü hakim funksiyasını Aleksey Suxoy yerinə yetirəcək.
Oyunun UEFA nümayəndəsi şimali irlandiyalı Krauford Vilson, hakim-inspektor isə ingiltərəli Stefen Lodj olacaq.
