Paraqvayda yeni baş məşqçi
ESTAFET/ Futbol üzrə Paraqvay yığmasının yeni baş məşqçisi bəlli olub. Paraqvay yığmasını bundan sonra Xuan Karlos Osorio çalışdıracaq. Mütəxəssislə 2022-ci ilin yayına qədər müqavilə bağlanıb.
Kolumbiyalı mütəxəssis bundan əvvəl Meksika yığmasına başçılıq edib. 57 yaşlı Osorio bu ölkənin yığmasında 2015-ci ildən çalışırdı və Rusiyada keçirilən mundialdan sonra komandanı tərk etmişdi.
Meksika DÇ-2018-in 1/8 finalında Braziliyaya məğlub olmuşdu. Paraqvay isə son iki mundialın final mərhələsində iştirak edə bilməyib.
Müəllif: Natiq NƏSİROV
