ESTAFET/ Türkiyə Taekvondo Federasiyası (TTF) və Avropa Taekvondo Birliyi (ATB) tərəfindən təşkil edilən və sayca 5-ci olan G1 kateqoriyalı Klublararası Avropa Çempionatı və G2 kateqoriyalı “Turkish Open” beynəlxalq yarışı keçiriləcəkdir. 

Öncə 6-9 fevralda keçiriləcək G1 kateqoriyalı Klublararası Avropa Çempionatında respublikamızda fəaliyyət göstərən taekvondo klublarından Gilan İK, Savalan TK, Gafgaz TK, Zenit İC, 1 və 2 saylı Gömrükçü İK, “Təhsil” RİM, Sumqayıt Gömrükçü İK, Lənkəran TİM, Guba UGİM, Gəncə UGİM, “Fərasət” TK, “T. İsmayılov” adına TK, Aran TK-nun idmançıları medallar uğrunda mübarizəyə qoşulacaq.

Bir gün fasilədən sonra, 11 fevralda isə sayca 4-cü olan “Turkish Open” beynəlxalq turnir başlanacaq. 4 gün davam edəcək turnirə də yeniyetmə, gənc və böyüklərdən ibarət yığma komandamız geniş heyətlə qatılacaq.

Yarışlarda ədalət təmsilçilərimizdən federasiyanın Hakimlər Komitəsinin sədri, beynəlxalq dərəcəli hakim Elşən Quliyev, Elşad Məmmədov, Tural Vəlibəyov, Ramal Camalov və Çoşqun Nadirli iştirak edəcək.