ESTAFET/  Biatlon üzrə Dünya Kubokunda bir mövsüm ərzində şəxsi yuruşlərdə qazanılan qələbələrə görə norveçli Ul Eynar Byorndalenə məxsus rekord qırılıb. Bunu fransız Marten Furkard bacarıb. 

Furkard bu gün Finlandiyanın Kontiolaxti şəhərində keçirilən Dünya Kubokunun 8-ci mərhələsində sprinter yuruşunu qazanmaqla mövsümdəki 13-cü qələbəsini rəsmiləşdirib. Bununla da Byorndalenə məxsus 2004/2005 mövsümündəki 12 qələbəlik rekord dəyişib.

Bu qələbə sayəsində Furkard xallarının sayını 430-a çatdıraraq izləyiciləri üçün əlçatmaz olub. Son yürüşün nəticəsindən asılı olmayaraq fransız biatlonçu sprint yürüşləri üzrə 2016/2017 mövsümünün qalibi olub.