ESTAFET/ Futbol üzrə Azərbaycan Premyer Liqasının 2019/20 mövsümündə yalnız iki komanda öz meydanında uduzmayıb. Bunlar turnir cədvəlinin liderləri “Qarabağ”la “Neftçi”dir. Paytaxt təmsilçisi evdə ən çox xal toplayan komandadır. Lakin “ağ-qaralar” Ağdam təmsilçisi ilə müqayisədə bir oyun çox keçirib. Paytaxt təmsilçisi evdə ən çox qol vurmaq, əyalət klubu ən az top buraxmaqla diqqət çəkir. Öz meydanında 3-cü göstərici “Keşlə”yə məxsusdur. Evdə ən az xal toplayan komanda “Sabah”dır. Lakin hesabında 8 xal olan paytaxt klubu geri qaldığı “Səbail” və “Qəbələ”dən bir oyun az keçirib.