Hemilton vətənində də qalib oldu
ESTAFET/ Formula 1 üzrə dünya çempionatının 4-cü mərhələsi başa çatıb. Böyük Britaniya Qran-Prisində Lüis Hamilton qalib gəlib.
Britaniyalı pilot “Silverstoun” trasındakı yürüşü hamıdan əvvəl qət edib. Sonuncu dövrədə sol ön təkəri qopan Hamilton üçtəkərli “Mersedes”lə finiş xəttini keçib.
Cari mövsümdə ardıcıl 3-cü mərhələdə qalib olan britaniyalı doğma divarlar arasında 7-ci dəfə finişə 1-ci çatıb. Ümumilikdə isə Hamilton 87-ci dəfə mərhələ qalibi adını qazanıb.
Qeyd edək ki, mərhələdə Maks Ferstappen (“Red Bull”) ikinci, Şarl Lekler (“Ferrari”) üçüncü olub.
