ESTAFET/ Bu gün futbol üzrə UEFA Avropa Liqasının I təsnifat mərhələsinin son oyunu keçirilib. Koronavirus pandemiyası üzündən təxirə salınmış görüş Estoniyada baş tutub.

Yerli “Nomme Kalyu” öz meydanında Sloveniya “Mura”sını qəbul edib. Qarşılaşmanın taleyi ilk hissədəcə həll olub. Fasiləyə qədər rəqib qapısından 4 cavabsız top keçirən qonaqlar böyükhesablı qələbəyə sevinib.

Qeyd edək ki, "Mura" II təsnifat mərhələsində Danimarka “Orxus”unu qəbul edəcək. Sentyabrın 17-dəki matçın qalibi növbəti raundda Niderland təmsilçisi PSV ilə öz meydanında qarşılaşacaq.

UEFA Avropa Liqası
I təsnifat mərhələsi
10 sentyabr 2020

21:30. “Nomme Kalyu” (Estoniya) - “Mura” (Sloveniya)  0:4
Qollar: Zizek 17, 27, Kous 33, Kozar 36