"Bu boşluğu heç kim aradan qaldırmayacaq": Ronaldo
ESTAFET/ Xəbər verdiyimiz kimi, bu gün dünya futbolunun əfsanəsi, argentinalı superulduz Dieqo Maradona 60 yaşında dünyasını dəyişib. Bu, hadisə dünya futbolunda dərin üzüntü ilə qarşılanıb.
Portuqaliya millisinin və İtaliya “Yuventus”unun futbolçusu Kriştiano Ronaldo öz tvitter səhifəsində dahinin ölümü haqda yazı paylaşıb:
“Bu gün mən dostumla, dünya isə əbədi dahi ilə vidalaşır. Tarixin ən yaxşılarından biri ilə. Əvəzolunmaz sehrbaz. O, çox tez getdi. Amma sərhədsiz irs və boşluq qoydu. Bu boşluğu heç kim aradan qaldırmayacaq. Dahi, rahat yat. Sən heç vaxt unudulmayacaqsan”.
