Konkisürənlərimiz beynəlxalq turnirdə
ESTAFET/ Azərbaycan fiqurlu konkisürənləri beynəlxalq turnirdə iştirak edəcək. Yekaterina Kuznetsova və Aleksandr Kolosovski “Lumi dance trophy”də qüvvəsini sınayacaq.
Buz üstdə rəqslərdə çıxış edən dueti Ukraynanın Odessa şəhərində mükafatlar uğrunda mübarizə aparacaq. Turnir fevralın 10-13-də baş tutacaq.
Qeyd edək ki, 2004-cü ildə Rusiyanın paytaxtı Moskvada anadan olan Yekaterina əvvəl Daniel Brikalovla birlikdə yığmamızın şərəfini qoruyurdu.
