Azərbaycanı beynəlxalq fiqurlu konkisürmə yarışlarında ilk dəfə təmsil edən yeniyetmə idmançımız Arina Kalugina, Türkiyənin İzmir şəhərində təşkil olunan “Ephesus Cup” yarışında möhtəşəm nəticə göstərib.

Qısa və sərbəst proqram üzrə çıxış edən Arina Kalugina ümumilikdə 173.64 xal toplayaraq, 21 iştirakçı arasında 3-cü yerə layiq görülüb. Bu uğuru ilə o, yeniyetmələr arasında Dünya Çempionatına vəsiqə qazanıb.

Arina Kaluginanın bu nailiyyəti ölkəmizin fiqurlu konkisürmə idmanında beynəlxalq arenada tanınmasında mühüm addım hesab olunur. İdmançımızı qazandığı uğur münasibətilə təbrik edirik və gələcək yarışlarında da müvəffəqiyyətlər arzulayırıq!