“Qarabağ”ın 544 günlük seriyası qırıldı
ESTAFET/ “Qarabağ” futbol üzrə Azərbaycan Premyer Liqasının 2020/2021 mövsümündə ilk səfər məğlubiyyətini alıb.
Bu, çempionatın sonuncu – XXVIII turuna təsadüf edib.
“Neftçi” ilə qarşılaşmada 0:1 hesabı ilə uduzan Ağdam təmsilçisi cari mövsüm rəqib meydanında uduzmamışdı. Qurban Qurbanovun yetirmələri sonuncu dəfə 2019-cu il noyabrın 22-də “Sumqayıt”la səfər matçında məğlubiyyətlə üzləşib.
544 gün öncə meydan sahibləri 2:1 hesabı ilə qalib gəlib. Son 17 səfər görüşündə uduzmayan “Qarabağ” bu müddətdə 9 qələbə qazanıb və 8 heç-heçə edib.
