“Neftçi”də panamalı hücumçu
ESTAFET/ Türkiyədə təlim-məşq toplanışında olan “Neftçi” bir futbolçunu baxışdan keçirir. Baş məşqçi Samir Abasov düşərgədə olan panamalı hücumçu Ansoni Friası sınayır.
21 yaşlı forvard bu gün Plotsk “Visla”sına qarşı keçiriləcək yoxlama görüşündə iştirak edəcək. Çalışdırıcı Polşa klubuna qarşı Bakı vaxtı ilə saat 16:00-da başlayacaq matçda Friasa start heyətində şans verəcək.
Qeyd edək ki, tam adı Ansoni Alexandro Frias Qonzales olan gənc hücumçu ölkəsinin “Alianza” klubunda çıxış edir. (apasport.az)
