Qurbanov daha 3 il "Qarabağ"da
ESTAFET/ “Qarabağ” Futbol Klubunun mətbuat xidmətindən verilən məlumata görə, klub baş məşqçisi Qurban Qurbanovla müqaviləni uzadıb.
Yeni müqaviləyə əsasən, Qurbanov daha 3 il Ağdam klubunun baş məşqçisi olacaq. 50 yaşlı mütəxəssisin müqaviləsi 2025-ci ildə başa çatacaq.
Qeyd edək ki, Qurbanov 2008-ci ildən “Qarabağ”ın baş məşqçisidir. Onun rəhbərliyi altında 8 dəfə Azərbaycan çempionu olan ağdamlılar 4 dəfə ölkə kubokunu qazanıb, 8 dəfə isə UEFA-nın klub turnirlərinin qrup mərhələsinə yüksəlib.
