"Çelsi" "Yuventus"a futbolçu dəyişikliyi təklif etdi
ESTAFET/ “Çelsi” rəhbərliyi “Yuventus”a ulduz futbolçularını dəyişməyi təklif edib.
Bu barədə “Sky Sports” saytı məlumat yayıb.
Belə ki, London klubu "Yuve"yə Timo Verner və 45 milyon avro təklif edir. Turinlilərin müdafiəçisi Mateys de Liqt isə bunun əvəzində "Çelsi"yə keçməlidir.
Qeyd edək ki, De Liqt 2019-cu ildə "Ayaks"dan "Yuventus"a keçib. 87 oyunda meydana çıxan futbolçu İtaliya A Seriyasının çempionu olub. (fanat.az)
