Basketbol üzrə Azərbaycan çempionatına hazırlıq məqsədi daşıyan turnir yekunlaşdı
"Sərhədçi" İdman Olimpiya Mərkəzində 28 -ci Azərbaycan çempionatına hazırlıq məqsədi daşıyan turnirdə final və 3-cü yer uğrunda oyunlar keçirildi. 3 -yer uğrunda görüş, "NTD BK" - "Zirvə Astara BK" komandaları arasında baş tutdu. Görüşə fəal başlayan NTD basketbolçuları yekunda 117-59 hesabı ilə parketdən qalib ayrıldılar. Final qarşılaşması isə "Gəncə BK" və "AAAF Xırdalan BK" komandaları arasında keçirildi. Qarşılaşmanın ilk dəqiqələrindən oyuna sürətli başlayan Xırdalan komandası sonda rəqibinə 101-85 hesabı ilə qalib gələrək turnirin qalibi oldu.
