24-30.10.2022 tarixdə Türkiyyənin Antaliya şəhərində Kempo üzrə açıq Avropa kuboku və Avropa Çempionatı keçirilmişdir.

Bu yarışda Beynəlxalq Kempo Federasiyasının texniki direktoru və Azərbaycan nümayəndəsi olaraq Rauf İbrahimov və iki idmançı Azərbaycanı təmsil etmişdilər. On doqquz dövlətdən  üç yüz əlliyə yaxın idmançının iştirakı ilə keçirilən bu yarışda “Togrul” idman klubunun  iki idmançısı Gülay İbrahimli(semi-kempo,submişn-kempo),Fateh İbrahimli (submişn kempo) versiyalarında çempion olmuşdullar.

Gülay İbrahimli həm Avropa kubokunda həm də Avropa çempionatında iştirak edərək hər bölümdə dörd görüş keçirtmiş,Fateh İbrahimli isə yalnız Avropa kubokunda iştirak edərək  üç görüş keçirdərək çempion olmuşdular. Bu yarışda Toğrul İbrahimli Ukrayna Kempo-Kenpo Federasiyasın prezidenti və idmançısı kimi Ukrayna dövlətini təmsil etmişdir. Üç- Kempo Submişn, Kempo Nokdaun,Kempo Full  versiyalarında çıxış edərək hər versiyada dörd görüş keçirtmiş və çempion olmuşdur.

Qeyd edək ki, Toğrul İbrahimli bu il 09-14.05.2022 tarixdə Tunisiyanın - Hammamet şəhərində keçirilən  Kempo üzrə rəsmi on səkkizinci Dünya çempionatında Azərbaycanı təmsil edərək Dünya çempionu olmuşdur.