ESTAFET/ Bu gün kişi voleybolçular arasında Azərbaycan Yüksək Liqasında 2023-cü ilin ilk oyunu keçirilib.

Voleybol Mərkəzində baş tutan görüşdə MOİK-“Murov”la üz-üzə gəlib. II tur çərçivəsində təşkil olunan qarşılaşmanın ilk setini 25:15 hesablı üstünlüklə bitirən Fərid Cəlalovun yetirmələri ikinci hissəni 14 top fərqi ilə qazanıblar. “Murov” üçüncü setdə isə 25:17
 hesabı ilə qalib gələrək rəqibini 3:0 hesabı ilə məğlub edib.

Beləliklə, bu oyundan sonra aktivindəki xalların sayını 6-ya çatdıran “Murov” turnir cədvəlində ilk pilləyə yüksəlib. 3 xalla “Xarı bülbül” turnir cədvəlində 2-ci , xal qazanmayan “Neftçi” və MOİK komandaları isə 3-cü və 4-cü pillələri tuturlar.

12 yanvar

Yüksək Liqa

II tur

MOİK – “Murov” 0:3 (15:25, 11:25, 17:25)