Hakimlərimiz elit-raund mərhələsinə təyinat aldılar
ESTAFET/ FIFA hakimlərimiz 19 yaşadək futbolçulardan ibarət komandalar arasında Avropa çempionatının elit-raund mərhələsinin oyunlarına təyinat alıblar.
FIFA referisi Elçin Məsiyev və FIFA referi köməkçisi Pərvin Talıbov martın 22-dən 28-dək Polşada təşkil ediləcək 6-cı qrupun oyunlarında iştirak edəcəklər.
Qeyd edək ki, 6-cı qrupda İsrail, Polşa, Serbiya və Latviya komandaları mübarizə aparacaq.
