YIĞMAMIZ AVROPA ÇEMPİONATININ HAZIRLIQLARINA BAŞLAYIR
ESTAFET/ Qadın voleybolçulardan ibarət Azərbaycan millisi bu gündən bir araya gələcək. Toplanış Avropa çempionatının hazırlıqları üçün hesablanıb.
Belə ki, günortaya kimi həkim nəzarətindən keçəcək Faiq Qarayevin yetirmələri saat 16:00-da “Azərreyl”in Voleybol Bazasında ilk məşqə çıxacaqlar. Ardınca komandamızın paytaxtdan kənarda və ölkə xaricində də təlim-məşq toplanışları planlaşdırılır.
Qeyd edək ki, Azərbaycan və Gürcüstanın birgə ev sahibliyi edəcəyi Avro-2017 sentyabrın 22-də başlayacaq.
Mənbə: APASport
