“Gəncə” pley-offa darmadağınla başladı
ESTAFET/“Sərhədçi" İdman Mərkəzində Azərbaycan Basketbol Liqasının pley-off mərhələsində növbəti yarımfinal oyunu baş tutub.
İkinci yarımfinal seriyasının ilk görüşündə NTD və "Gəncə" komandaları üz-üzə gəliblər.
Oyuna daha sürətli başlayan "Gəncə" basketbolçuları yekunda 101:73 hesablı qələbə qazanıblar. Bu qələbə ilə "Gəncə" seriyada 1:0 önə keçib.
Ən məhsuldar basketbolçular NTD-dən Brayson Robinson (14 xal, 6 ribaund), "Gəncə"dən isə Ceylen Qeddi (34 xal, 7 ribaund) olublar.
Yarımfinal seriyasının ikinci oyunu 10 may tarixində Gəncədə baş tutacaq.
