Dubla imza atdı, həftənin ən yaxşısı elan olundu
ESTAFET/ Avropa Konfrans Liqasında yarımfinal mərhələsinin cavab oyunlarından sonra həftənin ən yaxşı futbolçusu bəlli olub.
Azarkeşlərin səsverməsinə əsasən bu ada İtaliyanın “Fiorentina” klubunun yarımmüdafiəçisi Nikolas Qonsales layiq görülüb.
Argentinalı futbolçu səfərdə İsveçrənin “Bazel” komandasına 3:1 hesabı ilə qalib gəldikləri matçda dubla imza atıb.
Konfrans Liqasında həftənin ən yaxşısı adına Qonsalesin komanda yoldaşı Kristiano Biraqi, həmçinin Deklan Rays (“Vest Hem”, İngiltərə) və Ticani Reynders (“Alkmaar”, Niderland) də namizəd idi.
