ESTAFET/ Çimərlik futbolu üzrə dünya çempionatının Avropa üzrə əsas seçmə mərhələsinin play-off oyunları başlayır.

Bu gün paytaxtda keçirilən Çimərlik futbolu üzrə dünya çempionatının Avropa üzrə əsas seçmə mərhələsi çərçivəsində ilk pley-off oyunları keçiriləcək. 

Ümumilikdə səkkiz komandanın iştirakı ilə dörd matç baş tutacaq. Futbol həvəskarları İsveçrə-Yunanıstan, (16:15) Almaniya-Türkiyə, (17:30) Estoniya-Polşa, (18:45) Azərbaycan-Litva (20:00) qarşılaşmalarına şahid olacaqlar. 

Bu oyunların nəticələrinə əsasən komandaların turnirdə 9-12-ci və 13-16-cı yerlər üzrə mövqeləri müəyyənləşəcək. 

Sabah, iyulun 9-u isə turnirin ən güclü səkkiz komandası dörd qarşılaşmada mübarizə aparacaq. Onların arasında keçiriləcək bu oyunların (Belarus-Fransa, Portuqaliya-Danimarka, Ukrayna-Moldova, İtaliya-İspaniya) nəticələrinə əsasən dörd ən güclü komanda növbəti ilin fevralında BƏƏ-də keçiriləcək dünya çempionatına vəsiqə qazanacaq.