Azərbaycanın atıcılıq üzrə para-atletləri Perunun paytaxtı Lima şəhərində keçirilən dünya çempionatında bir qızıl və iki gümüş medal qazanıb

Milli Paralimpiya Atıcılıq Komitəsinin üzvləri Lima şəhərində keçirilən “Lima WSPS 2023” dünya çempionatında bir qızıl, iki gümüş medal qazanıblar. Azərbaycan paralimpiyaçısı Kamran Zeynalov, 50 metrlik məsafəyə atışda 220,5 xal toplayaraq qızıl medal qazanıb və bu nəticə ilə Azərbaycan idmançısı "Paris-2024" XVII Yay Paralimpiya Oyunlarına birbaşa lisenziya əldə edib.

10 metrlik məsafəyə atışda Kamran Zeynalov və Aybəniz Babayeva gümüş mükafata yiyələniblər.

“Lima WSPS 2023” Paralimpiya atıcılıq dünya çempionatında 54 ölkənin 260 iştirakçısı iştirak edir.