Bu gün Gənclər və İdman Nazirliyi, Azərbaycan Atletika Federasiyası və "Hyundai" avtomobillərinin ölkəmizdəki rəsmi distributoru "AUTO Azərbaycan"ın təşkilatçılığı ilə "Heydər Əliyev ili"nə həsr olunmuş həvəskarlar arasında kütləvi qaçış yarışı keçirilib.

​Tədbirdə paytaxt təmsilçiləri ilə yanaşı Sumqayıt və Neftçaladan olan ümumilikdə 550-ə yaxın iştirakçı mübarizə aparıb.​ "Hyundai Otoplaza Mall" ərazisində keçirilən yarışda 8 yaş kateqoriyası üzrə kişi və qadınlar arasında müxtəlif məsafələrə qaçışda qaliblər müəyyənləşib.

Qeyd edək ki,​ “Heydər Əliyev ili”nə həsr olunmuş bu cür tədbirlər silsilə xarater daşıyır. Bundan öncə Bakı və müxtəlif bölgələrdə təşkil olunmuş kütləvi qaçış yarışlarından daha biri noyabrın 5-də İsmayıllıda keçiriləcək.