ESTAFET/ Bakı Böyük Dəbilqə turnirinin ilk yarış günündə kişilər arasında 66 kq çəki dərəcəsində mübarizə aparan cüdoçumuz Yaşar Nəcəfov bürünc medal əldə edib.

1/8 finaldan mübarizəyə qoşulıan Yaşar burada Kanada təmsilçisinə qalib gəlib. 1/4 finalda neytral statusda güləşən Rusiya təmsilçisi Rüfət Ələsgərovdan da üstün olan Yaşar yarımfinala adlayıb. Yarımfinalda ispan Alberto Martinə məğlub olan cüdoçumuz bürünc uğrunda güləşməli olub və burada braziliyalı Villian Limanı məğlub edərək fəxri kürsüdə yer almağı bacarıb. 

Bu çəki dərəcəsindəki digər təmsilçimiz Rəşad Yelkiyev də bürünc uğrunda güləşib və təəssüf ki, məğlub olaraq turniri 5-ci sırada başa vurub.